Azərbaycan Premyer Liqasında 8 futbolçu cəzalanmaq təhlükəsi ilə üz-üzədir.

Apasport.az saytının məlumatına görə, ilk 6 turda üç sarı vərəqə alan bu oyunçular I dövrənin son matçında xəbərdarlıq limitinə “ilişə” bilər.

Həmin oyunçular 7 müxtəlif klubu təmsil edir. Bunlar Felipe Santos (“Keşlə”), Mamadu Kane (“Neftçi”), Filip Ozobiç (“Qarabağ”), Məqsəd İsayev, Stefan Vukçeviç (hər ikisi “Qəbələ”), Yurgen Qoxa (“Səbail”), Höccət Haqverdi (“Sumqayıt”), Georgi Stoilovdur (“Zirə”).

Yalnız “Sabah” limitin astanasında olanlar sırasında təmsil edilmir. Bu da başadüşüləndir. Çünki paytaxt klubunun müdafiəçisi Amin Seydiyev 4 sarı vərəqə ilə limiti aşan ilk futbolçu olub. O, qarşıdakı VII turu buraxacaq.

Qeyd edək ki, Premyer Liqada VII turun matçları oktyabrın 16-17-də keçiriləcək.
 

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər