AFFA İntizam Komitəsinin bu gün baş tutan iclasında I divizionun XVIII tur matçlarında qeydə alınmış neqativ hallar müzakirə edilib.

Apasport.az saytının məlumatına görə, “Neftçi-2” ilə ev oyununa topdaşıyan və xərəkdaşıyanlar gec gəldiyindən, “Sabah-2” 80 manat məbləğində cərimələnib.

“Qarabağ-2” – “Qaradağ Lökbatan” və “Zaqatala” – “Səbail-2” görüşlərində tibb otağı tibbi ləvazimatlar və həkimlə təmin edilməyib. Bu səhlənkarlıq ev sahiblərinə 80 manata başa gəlib.

İntizam Komitəsi “Zaqatala” – “Səbail-2” qarşılaşmasının video görüntülərini izlədikdən sonra birincilərin futbolçusu Kənan Müslümova səhvən verilən qırmızı vərəqəni ləğv edib. Komitə bölgə təmsilçisinin digər üzvü Elşad Əliyevə ikinci sarı vərəqənin verilməli olduğu təsdiqləyib və ona 1 oyunluq cəza kəsib.

• Türk Hava Yolları “Liverpul”a sponsor oldu - 5 il üçün 300 milyon funt
• “Göztepe”nin qapıçısından azarkeşlərə təhdid: “Bir gün küçədə qarşılaşacağıq”
• “Real”da Arda Güler problemi – “Mbappe və Vinisiusdan qorxur”
• Çempionlar Liqası matçları bu kanallarda - TV AFİŞA
• Türkiyə klubunda ayrılıq - RƏSMİ