Azərbaycan millisinin hücumçusu Renat Dadaşovun babası vəfat edib.

Apasport.az saytının məlumatına görə, bu barədə gənc forvard instaqram səhifəsi vasitəsilə paylaşımında yazıb.

Maraqlıdır ki, “Tondela”nın formasını geyinən yığmamızın üzvü Portuqaliya çempionatının VII turunda “Famalikao” ilə qarşılaşmadan dərhal sonra paltardəyişmə otağında bu barədə məlumat alıb. 84-cü dəqiqədə vurduğu qolla komandasına 3:2 hesablı qələbə qazandıran Renat final fitindən sonra komanda yoldaşları ilə birlikdə bunu bayram edib.

O, az sonra həyatının ən pis xəbərini aldığını vurğulayıb: “Oyundan sonra matçlarımı bir daha canlı olaraq izləyə bilməyəcəyin mesajlarını aldım. Hər şey sənin üçün idi, baba. Kaş bunu görə biləydin, amma əminəm ki, görürsən. Səndən ötrü darıxıram, dincəl. Səni sevirəm”.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər