Qurbanovla Əhmədova şərik

10.11.2021 - 00:00

Azərbaycan milli komandası 2021-ci ildə keçiriləcək son oyunların hazırlığını davam etdirir.

Apasport.az saytının məlumatlına görə, baş məşqçi Canni de Byazinin sərəncamında 24 futbolçu var.

Onlardan üçü Lüksemburq və ya Qətərlə qarşılaşmada debüt etmək imkanına malikdir. Bunlar Bəxtiyar Həsənalızadə, Cəlal Hüseynov və Mert Çelikdir. İndiyədək yığmada şans qazanmayan müdafiəçilər Bakı Olimpiya Stadionunda debüt edəcəkləri anı gözləyirlər.

Millinin indiki heyətində oyun sayında rekord Maksim Medvedevdədir. O, 75-ci matçına çıxacaq. Müdafiəçi yığmada 75 oyun keçirən Tərlan Əhmədova çatmaq, hətta keçmək imkanı qazanıb.

Digər milli üzvü Emin Mahmudov da yubiley oyununa çıxacaq. Noyabrın 11-dəki görüş onun üçün 25-ci olacaq.

Qeyd edək ki, ayın 11-də Lüksemburqla DÇ-2022-nin seçmə oyununu keçirəcək milli üç gün sonra Qətərlə yoldaşlıq görüşündə qüvvəsini sınayacaq.

futbolçu	oyun	qol
Maksim Medvedev	74	4
Qara Qarayev	71	0
Araz Abdullayev	42	3
Ramil Şeydayev	41	7
Mahir Mədətov	30	4
Namiq Ələsgərov	30	0
Emin Mahmudov	24	6
Anton Krivotsyuk	22	0
Azər Salahlı	14	0
Emil Balayev	12	-17
Bəhlul Mustafazadə	11	0
Coşqun Diniyev	11	0
Vüqar Mustafayev	11	0
Şahrudin Məhəmmədliyev	10	-15
Renat Dadaşov	9	0
Hoccət Haqqverdi	7	0
Tellur Mütəllimov	6	0
Amin Seydiyev	5	0
Filip Ozobiç	5	0
Rüstəm Əhmədzadə	3	0
Mehdi Cənnətov	1	-1
Bəxtiyar Həsənalızadə	0	0
Cəlal Hüseynov	0	0
Mert Çelik	0	0