Çempionlar Liqasının (ÇL) qrup mərhələsinin III turunda “Leypsiq” üzərində 3:2 hesablı qələbə qazanan PSJ-nin heyətində dubl edən Lionel Messi daha bir rekordda Kriştiano Ronaldoya çatıb.

Apasport.az saytının məlumatına görə, Bundesliqa təmsilçisi argentinalı superulduzun ÇL-də qol vurduğu 37-ci komanda olub. O, artıq Ronaldo ilə rekordu bölüşür. 

Ən nüfuzlu klub turnirində ikinci dəfə Panenka tipli penaltidən fərqlənən Messi peşəkar karyerasında vurduğu ümumi qolların sayını isə 755-ə çatdırıb. Əfsanəvi braziliyalı Romarionu (753) geridə qoyan 34 yaşlı oyunçu bütün dövrlərin ən məhsuldar 3-cü oyunçusu ünvanını ələ keçirib. O, daha 10 qol vuracağı təqdirdə digər braziliyalı Peleyə (765) çatacaq.

Bu baxımdan rekord isə yenə Kriştiano Ronaldoya məxsusdur – 794 qol.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər