"Napoli"nin hücumçusu Xose Kalyexon İspaniyaya qayıda bilər.

Apasport.az saytının məlumatına görə, "Valensiya" 33 yaşlı futbolçunu heyətinə qatmaqda maraqlıdır.

İspaniya millisinin üzvü özü də vətənə dönmək niyyətindədir. "Yarasalar" ona 2 illik müqavilə təklif edib. Ancaq "Sevilya"nın da sabiq "Real"lını istəməsi "Valensiya"nın işini çətinləşdirir. Neapol təmsilçisi ilə müqavilə müddəti mövsümün sonuna qədər olan Kalyexon anlaşacağı kluba azad agent kimi keçəcək.

Qeyd edək ki, Xose Kalyexon cari mövsüm bütün turnirlərdə meydana çıxdığı 32 oyunda 2 qol, 9 məhsuldar ötürmə ilə yadda qalıb.
 

• Türk Hava Yolları “Liverpul”a sponsor oldu - 5 il üçün 300 milyon funt
• “Göztepe”nin qapıçısından azarkeşlərə təhdid: “Bir gün küçədə qarşılaşacağıq”
• “Real”da Arda Güler problemi – “Mbappe və Vinisiusdan qorxur”
• Çempionlar Liqası matçları bu kanallarda - TV AFİŞA
• Türkiyə klubunda ayrılıq - RƏSMİ