DÇ-2022-nin seçmə mərhələsində Azərbaycanla qarşılaşacaq Serbiya yığması daha bir itki ilə üzləşib.

Apasport.az saytının məlumatına görə, yarımmüdafiəçi Filip Curiçiç millimizlə qarşılaşmanı buraxmalı olacaq.

Buna səbəb Lüksemburqla keçirilən səfər görüşündə 1:0 hesablı qələbəyə baxmayaraq, “Sassuolo”nun üzvünün sarı vərəqə almasıdır. 28 yaşlı oyunçu görüşün 45+3-cü dəqiqəsində seçmə mərhələdəki ikinci sarı vərəqəsini alıb. Bu isə onun cəzalı duruma düşməsinə səbəb olub. O, oktyabrın 12-də millimizlə Belqraddakı matçda məşqçilər korpusunun sərəncamında olmayacaq.

Qeyd edək ki, Lüksemburqla oyunda sarı vərəqə alan Strahinya Pavloviç də cəza ucbatından yığmamıza qarşı iştirak etməyəcək.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər