“Lüksemburq önündə bir az əziyyət çəkdik. Zəif oynadığımız zaman da qələbə qazanmaq vacibdir”.

Apasport.az saytının məlumatına görə, bunu Serbiya yığmasının yarımmüdafiəçisi Sergey Milinkoviç-Saviç DÇ-2022-nin seçmə mərhələsində Lüksemburqla oyun barədə danışarkən deyib.

Komandasının 1:0 hesablı qələbəsini dəyərləndirən “Latsio”nun ulduz futbolçusu artıq bütün diqqətlərini Azərbaycan millisi ilə görüşə cəmlədiklərini söyləyib. O, gələn ay Portuqaliya ilə keçiriləcək son matça intriqanı saxlamaq üçün qələbədən başqa yollarının olmadığını vurğulayıb: “Bu cür oyunlarda 3 xal qazanmaq mütləqdir. Son oyun Portuqaliyaya qarşı olacaq. Birincilik şansını həmin vaxta qədər qorumaq istəyirik. Bu baxımdan Azərbaycanla görüş önümüzdə maneə olmamalıdır”.

Qeyd edək ki, sabah Belqraddakı “Rayko Mitiç” stadionunda keçiriləcək Serbiya – Azərbaycan matçı Bakı vaxtı ilə saat 22:45-də start götürəcək.
 

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər