Azərbaycan çempionu “Qarabağ”ın futbolçusu Simeon Slavçev Bolqarıstan milli komandasına çağırılıb.

APA-nın məlumatına görə, Balkan təmsilçisinin baş məşqçisi Krasimir Balakov yarımmüdafiəçini oktyabrda keçiriləcək qarşılaşmalara dəvət alan legionerlər siyahısına daxil edib.

Mütəxəssis oktyabrın 11-də Monteneqro, üç gün sonra İngiltərəyə qarşı AVRO-2020-nin seçmə oyunları üçün legioner seçimini edib. K.Balakov qarşılaşmalara çağırdığı Bolqarıstan çempionatının iştirakçılarını gələn həftə müəyyənləşdirəcək.

Qeyd edək ki, 5 matçda 2 xal toplayan Bolqarıstan millisi A qrupunda sonuncu pillədə qərarlaşıb. S.Slavçevin yer aldığı komanda Monteneqro ilə səfərdə, İngiltərə ilə evdə üz-üzə gələcək.

• Uilyams Premyer Liqaya keçmək istəyir - 5 klub maraqlanır
• Virtz addım-addım "Siti"yə
• "Liverpul"un hücumçusu ərəblərin radarında
• Türkiyə kubokunda final: "Trabzonspor" "Qalatasaray"a qarşı - YENİLƏNİR
• “Beşiktaş” İmmobilenin əvəzedicisini tapdı