“Lans” və “Lill” klubları cəzalanıb.

Apasport.az saytının məlumatına görə, bu barədə qərarı Fransa Futbol Federasiyasının Nizam-İntizam Komitəsi verib.

Cəzaya səbəb VI turun qarşılaşmasında baş verənlərdir. İkinci hissənin əvvəlində “Lans” azarkeşləri meydana axışaraq rəqib fanatların əyləşdiyi tribunalara soxulmağa cəhd edib.

Bu üzdən matç dayandırılıb. Polis və stadion əməkdaşları aranı sakitləşdirdikdən sonra görüş başa çatdırılıb.

Federasiya hər iki klubu cəzalandırıb. “Lans” növbəti iki ev oyununu boş tribunalar önündə keçirəcək. “Lill” isə növbəti səfər matçında fanatlarının dəstəyindən məhrum edilib.

“Lans” “Strasburq” və “Reyms”lə görüşlərdə azarkeşsiz qalacaq. “Lill”in də cəzası strasburqlularla matça təsadüf edəcək.

Qeyd edək ki, qalmaqallı matçda “Lans” 1:0 hesablı qələbə qazanıb.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər