“Barselona”nın hücumçusu Memfis Depay maraqlı açıqlama ilə diqqət çəkib.

Apasport.az saytının məlumatına görə, Niderland millisinin üzvü azarkeşlərə vəd verib.

Bədənindəki tatularla seçilən 27 yaşlı forvard Kataloniya klubu ilə titul əldə edəcəyi təqdirdə, daha birini əlavə edəcəyini söyləyib: “Tatular bədənimin, həyatımın və imicimin bir hissəsidir. “Barselona” İspaniya La Liqası və Çempionlar Liqası titulları uğrunda mübarizə aparacaq. Əgər onlardan birində uğur qazansaq, bunun üçün dərimdə bir yer ayıracağam. Çox gözəl olardı”.

Qeyd edək ki, Memfis Depay “Barselona”ya yay fasiləsində azad agent kimi keçib. La Liqanın ilk 3 matçında 7 xal toplayan kataloniyalılar Çempionlar Liqasına da “Bavariya”ya məğlubiyyətlə (0:3) başlayıb. 

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər