İspaniya La Liqasında IV turun təqvimi dəyişdirilə bilər.

Apasport.az saytının məlumatına görə, bununla bağlı İspaniya Kral Futbol Federasiyasının yarışların təşkili komitəsinə müraciət olunacaq.

Bu həftə oyunlarla bağlı qərar veriləcək. Məsələ ondadır ki, DÇ-2022-nin Cənubi Amerika zonası üzrə seçmə oyunları Avropa vaxtı ilə sentyabrın 10-da keçiriləcək.

Həmin gün La Liqada “Levante” – “Valyekano” matçı, ertəsi gün daha 4 qarşılaşma keçirilməlidir. Həmin gün “Real” “Selta”nı, “Sevilya” “Barselona”nı qəbul edəcək.

La Liqa iki matçın “Vilyarreal” – “Alaves” və “Sevilya” – “Barselona” oyunlarını sentyabrın 11-dən qeyri-müəyyən müddətə təxirə salınmasını istəyir. “Real”ın qarşılaşması isə ayın 12-nə keçirilməlidir.

Qeyd edək ki, İspaniya çempionatının IX turunda da analoji problem yaranacaq.

• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU