Türkiyə klubu Luis Suareslə maraqlanır

01.04.2022 - 23:30

Gələn mövsüm Super Liqa çempionluğunu hədəfləyən “Fənərbaxça” transfer çalışmalarını davam etdirir.

Apasport.az saytının “fotomac.com.tr”yə istinadən məlumatına görə, Türkiyə klubu hücum xəttinə ulduz futbolçu gətirmək niyyətindədir.

“Sarı-lacivərdlilər” “Atletiko”nun forvardı Luis Suareslə maraqlanır. Uruqvay millisinin üzvünün yayda azad agent statusuna malik olması istanbulluları həvəsləndirir. Rəhbərlik mövsümün sonuna yaxın 35 yaçlı oyunçunun meneceri ilə danışıqlara başlayacaq.

Qeyd edək ki, Luis Suares bu mövsüm 37 oyunda 11 qol vurub, 3 məhsuldar ötürmə verib.