Konfrans Liqasında mübarizə aparacaq “Sumqayıt” Türkiyədə təlim-məşq toplanışını davam etdirir.

Apasport.az saytının məlumatına görə, “gənclik şəhəri” təmsilçisi qardaş ölkədə ilk yoxlama görüşü keçirib.

Baş məşqçi Ayxan Abbasov yetirmələrini TFF I Liqa təmsilçisi “Ankara Keçiörengücü” ilə görüşdə sınayıb. Oyunla bağlı əsas diqqətçəkən məqam Azərbaycan millisinin futbolçusu Vüsal İsgəndərlinin ankaralıların formasını geyinməsidir.

Qızılcahamam Mərkəzi stadionunda keçirilən matçın birinci hissəsini üstün keçirən ev sahibləri iki cavabsız topla önə keçib. Fasilədən sonra "kimyaçılar"ın fərqi minimuma endirməyə gücü çatıb. Dmitri Nağıyevin təsəlli qolu "Sumqayıt"ın məğlubiyyətinə mane olmayıb. 

Qeyd edək ki, “Sumqayıt” təlim-məşq toplanışının ölkə daxilində baş tutan birinci mərhələsində “Qarabağ”la yoxlama görüşü keçirib, 1:3 hesabı ilə məğlub olub.

Yoxlama görüşü 
5 iyul
17:30. “Sumqayıt” – “Ankara Keçiörengücü” (Türkiyə) - 1:2

Qol: Dmitri Nağıyev, 71
Qızılcahamam Mərkəzi stadionu

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu