17 yaşadək futbolçulardan ibarət Azərbaycan millisi Avropa çempionatının seçmə mərhələsində çıxış etməyəcək.

Apasport.az-ın AFFA-nın rəsmi saytına istinadən məlumatına görə, bu qurumla UEFA arasında aparılan danışıqlar, AFFA-nın Texniki departamentinin verdiyi rəy, yığmamızın bir neçə gün ərzində karantin rejimi ilə əlaqədar məşq edə bilməməsi nəzərə alınaraq, AFFA ilə UEFA-nın qarşılıqlı razılaşması əsasında U-17-nin turnirdə yarışmaması qərara alınıb.

Yaxın günlərdə UEFA tərəfindən millimizə müvafiq oyunlarda texniki məğlubiyyət verilməsi barədə qərar qəbul oluna bilər.

Qeyd edək ki, hazırda Belçikada səfərdə olan U-17 yığmamızın 3 futbolçusu Həmzəalı Mikayılov (“Sabah”), Adəm Topalov (“Səbail”) və İbrahim Ağayarovun (“Qarabağ”) - COVID-19 testi pozitiv nəticələnib. Belçikanın daxili qanunları nəzərə alınaraq, komandamızın üzvləri hazırda qaldıqları oteldə karantin rejimindədir.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər