"Çelsi" bu yay "Bavariya"nın hücumçusu Harri Keyni almaq niyyətindədir.

Apasport.az "Football.London"a istinadla xəbər verir ki, komanda bir kubok qazana bilməsə, ingilis forvardın Münhen klubunu tərk etmək şansı artacaq.

Keyn 2023-cü ilin avqustunda 95 milyon avroya "Tottenhem"dən "Bavariya"ya keçib. Münhen komandasının tərkibində ingilis futbolçu 30 oyun keçirib, 29 qol vurub və 8 məhsuldar ötürmə verib.

"Transfermarkt" portalı 30 yaşlı futbolçunun dəyərini 110 milyon avro olaraq qiymətləndirib.