"Qalatasaray” Super Liqanın 13-cü turunda “Gençlerbirliği” ilə oyundan sonra komandadakı zədəli futbolçuların vəziyyəti ilə bağlı məlumat yayıb.

Apasport.az xəbər verir ki, qarşılaşmada zədə səbəbi ilə oyunu yarımçıq tərk edən Vilfrid Sinqonun sol arxa əzələsində gərilmə və qanama aşkarlanıb.

Futbolçunun müalicəsinə start verilib.

O, gələn tur baş tutacaq "Fənərbaxça" derbisində komandasına kömək edə bilməyəcək. Kot d-İvuarlı futbolçunun 3-4 həftə meydandan kənarda qalacağı gözlənilir.   

Eyni oyunda dizində ağrı hiss edən Mario Lemina bu gün axşam saatlarında əlavə müayinələrdən keçəcək.

Yunus Akgün isə komandadan ayrı şəkildə, həm zalda, həm də meydanda fizioterapevt və atletik performans mütəxəssisi ilə fərdi məşq edib.    

Qeyd edək ki, qarşılaşmada birbaşa qırmızı vərəqə alaraq meydandan qovulan Roland Sallai də növbəti turda komandasına kömək edə bilməyəcək.

• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI
• Messi İspaniyada daha bir klub aldı – “Eldense”nin sahibi oldu