İtaliya millisinin sabiq üzvü Roberto Baccio ötən gecə Altavilla Visentinadakı evində ailəsi ilə İspaniya-İtaliya matçına baxarkən hücuma məruz qalıb.

Apasport.az xarici KİV-ə istinadla xəbər verir ki, ən az 5 silahlı şəxs Baccionun villasına daxil olub.

Hücum edənlərdən biri silahın qundağı ilə Baccionun alnına zərbə endirib. Daha sonra onu və ailəsini bir otaqda bağlayıblar.

Oğrular evi qarət etdikdən sonra hadisə yerini tərk ediblər.