"Fənərbaxça"nın son həftələrdə formada olmayan ulduzu Sebastian Şimanski baş məşqçisi İsmail Kartaldan xəbərdarlıq alıb.

Apasport.az "Sabah"a istinadla xəbər verir ki, son həftələrdə adı transfer söz-söhbətlərində hallanan Şimanskinin geriləməsinin səbəblərindən birinin də bu olduğu iddia edilib.

Uğurlu futbolçu üçün ara transfer dövründə "Fənərbaxça"nın "Borussiya" və "Napoli"dən təklif aldığı iddia edilib.

Sonuncu dəfə yanvarın 10-da keçirilən "Konyaspor" matçında qol vuran Şimanski bundan sonra meydana çıxdığı 7 matçda cəmi 1 məhsuldar ötürmə edə bilib. Bu mövsüm ümumilikdə 39 matçda meydana çıxan 24 yaşlı polşalı ulduz 12 qol vurub, 14 məhsuldar ötürmə edib.