Yanvar ayında kişi futbolunda klubların transferlər üzrə ümumi xərcləri 1,46 milyard dollar təşkil edib.

Apasport.az xəbər verir ki, bu qış transfer pəncərələri tarixində ikinci ən yüksək göstəricidir.

FİFA-nın açıqlamasında qeyd olunur ki, 2024-cü ilin yanvarında 4716 beynəlxalq transfer olub ki, bu da 2023-cü illə müqayisədə 0,6% çoxdur.

Bu ilin ilk ayında ümumi klub xərcləri 2023-cü illə müqayisədə 8,2% az olub.

Fransa klubları beynəlxalq transferlər üzrə xərclər cədvəlinə başçılıq edir - 291,9 milyon dollar.

Maraqlıdır ki, yanvarda ingilis komandalarının xərcləri keçən illə müqayisədə təxminən 80% azalıb.