“Əl-Nəsr”in hücumçusu Kriştiano Ronaldonun nalayiq davranışı araşdırılıb.

Apasport.az xəbər verir ki, bu yaxınlarda “Əl-Şəbab”la yerli çempionat matçında 39 yaşlı hücumçu rəqib azarkeşlərə nalayiq jest edib. O, Lionel Messi ilə bağlı şüarlara belə reaksiya verib.

Etika və İntizam Komitəsi portuqaliyalı futbolçunu bir oyunluq diskvalifikasiya edib. Bundan əlavə, Kriştiano 2,4 min avro cərimə ödəməlidir.

Səudiyyə Ərəbistanı çempionatının cari mövsümündə Ronaldo 20 oyun keçirib, 22 qol vurub və 9 məhsuldar ötürmə edib.