Yunanıstan millisinin sabiq müdafiəçisi Kostas Manolas Birləşmiş Ərəb Əmirliklərinin “Şardja” ilə müqavilə imzalayıb.

Apasport.az saytının məlumatına görə, imzalanma mərasiminin ardından yeni transferin imzalanma mərasimi qeyri-adi alınıb.

BƏƏ klubu “Olimpiakos”dan transfer edilən 31 yaşlı oyunçunun fotosessiyasını canlı aslanla yanaşı etmək istəyib. Şəkil çəkilən anda aslanın nərildəməsindən qorxan Manolas cəld ayağa qalxaraq lentə alınmış ərazini tərk edib. 

Qeyd edək ki, “Roma” və “Napoli”də çıxış etmiş Kostas Manolas “Şardja” ilə 2 illik müqavilə imzalayıb.