“Bavariya”nın yarımmüdafiəçisi Camal Musiala “Leyptsiq”lə yoxlama oyununda istidən özünü pis hiss edib və huşunu itirib.

Apasport.az xəbər verir ki, qarşılaşma Münhen təmsilçisinin 3:1 hesablı qələbəsi ilə başa çatıb.

Hadisə 83-cü dəqiqədə, 23 yaşlı futbolçunun komandasının üçüncü qolunu vurmasından qısa müddət sonra baş verib. Musialanın vəziyyətinin pisləşdiyini komanda yoldaşı İsmail Saybari vaxtında görərək onu tutub.

Həkimlərin müdaxiləsindən sonra Musiala meydanı tərk edib. Onun əvəzinə Bara Ndiaye oyuna daxil olub.

Almaniya mətbuatının məlumatına görə, ilkin müayinənin nəticələrinə əsasən, futbolçunun səhhətində ciddi problem aşkarlanmayıb.

• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI
• Messi İspaniyada daha bir klub aldı – “Eldense”nin sahibi oldu