![Ən çox seyv edən qapıçılar – Çempionlar Liqasında](https://apasport.az/storage/news/2020/december/10/big/1607624458453_lrB61kPN.jpeg)
Çempionlar Liqasının qrup mərhələsində ən çox qurtarış edən qapıçıların adları açıqlanıb.
Apasport.az saytının məlumatına görə, Almaniyanın “Bavariya” klubunun kapitanı Manuel Noyer bu baxımdan bütün həmkarlarını üstələyir.
Ulduz futbolçu meydana çıxdığı 5 matçda ümumilikdə 27 seyv edib. Onu Rusiya klublarının “1 nömrə”ləri izləyib. Moskva “Lokomotiv”inin qapıçısı Gilyerme 6 oyunda 25 dəfə, “Krasnodar”ın qolkiperi Matvey Safonov isə 4 görüşdə 24 dəfə komandasını qoldan xilas edib.
Qeyd edək ki, “Bavariya” növbəti mərhələyə adlayıbsa, “Krasnodar” mübarizəni Avropa Liqasının 1/16 final mərhələsində davam etdirəcək, “Lokomotiv” üçün isə avrokubok mövsümü yekunlaşıb.