Ən məhsuldar sülalələr

Ən məhsuldar sülalələr – dünyada

27.09.2021 - 16:38

Futbol tarixinin ən məhsuldar sülalələri açıqlanıb.

Apasport.az saytının məlumatına görə, üç nəslinin nümayəndəsinin hər hansı ölkənin yüksək liqasında qol vurduğu sülalələrin sayı 15-dir.

Beynəlxalq Futbol Tarixi və Statistikaları Federasiyasının (İFFHS) siyahısına ingiltərəli heytlilər başçılıq edir. Onların aktivində 278 qol var.

Cədvəldə Türkiyə təmsilçiləri də var. 51 qol vuran altıntaşlar sülaləsi siyahıda 13-cüdür.

Siyahıya sonuncu qoşulanlar isə italiyalı maldinilərdir. Danielin “Milan”da qol hesabını açması ilə onlar da cədvələ daxil edilib.

İFFHS dörd futbolçunun qol sayını dəqiqləşdirə bilməyib. Bu oyunçuların qol vurduğu bəlli olsa da, dəqiq rəqəm müəyyənləşməyib. Belə futbolçular siyahıda “*” işarəsi ilə fərqləndirilib. Kennet Klyuvertlə Erik Şembrinin göstəricisi 0-la ifadə olunsa da, onların qol vurduğu bəllidir. Lakin neçə dəfə fərqləndikləri dəqiqləşməyib.

yer	futbolçu	oğullar	nəvələr	qol	ölkə
1	Toni Heytli – 106	Mark Heytli – 154	Tom Heytli -18	278	İngiltərə
2	Harald Berq – 114	Oryan Berq – 31 Runar Berq – 66 Anid Berq - 33	Patrik Berq - 8	242	Norveç
3	Finn Laudrup – 30	Mikael Laudrup – 115 Brayan Laudrup – 84	Mads Laudrup – 2 Andreas Laudrup – 8	239	Danimarka
4	Patsi Qallaxer - 203	Uilli Qallaxer -0 Tommi Qallaxer – 5	Brayan Qallaxer - 24	232	Şimali İrlandiya, İrlandiya, Şotlandiya
5	Arnor Qudyonsen – 114	Eycur Qudyohnsen – 91 Arnor Borq Qudyonsen - 3	Sveyn Aron Qudyonsen - 10	218	İslandiya
6	David Çalmers - 20	Stevie Çalmers - 170	Pol Çalmers - 24	214	Şotlandiya
7	Albert Qudmundsson I – 46*	İnqi Byorn Albertsson - 126	Albert Qudmundsson** II - 14	186*	İslandiya
8	Kennet Klyuvert – 0*	Patrik Klyuvert - 149	Yustin Klyuvert -21	170*	Surinam, Niderland
9	Salvinu Şembri – 5*	Erik Şembri - 0*	Andre Şembri - 115	120	*Malta
10	Vladimir Vays I - 7	Vladimir Vays II - 43	Vladimir Vays III - 65	115	Çexoslovakiya, Slovakiya
11	Pal Dardai I - 70	Pal Dardai II - 31	Palko Dardai – 4 Marton Dardai – 0	105	Macarıstan, Almaniya
12	Markuitos – 3	Markos Alonso I - 46	Markos Alonso II - 27	76	İspaniya
13	Mustafa Altıntaş - 3	Yaşar Altıntaş – 20 Yusuf Altıntaş – 25	Batuhan Altıntaş - 3	51	Türkiyə
14	Çezare Maldini - 3	Paolo Maldini - 29	Daniel Maldini - 1	33	İtaliya
15	Oskar Garre - 14	Ezequel Garre – 2 Emiliano Garre-2	Bencamin Garre - 1	19	Argentina