“Vest Hem”in futbolçusu Cerrod Bouen Premyer Liqada keçirdiyi ardıcıl 7-ci səfər oyununda qol vurub.

Apasport.az xəbər verir ki, yarımmüdafiəçi yarışın tarixinə bunu bacaran üçüncü oyunçu kimi düşüb.

Ona qədər yalnız Robin van Persi və Serxio Aquero ən azı 7 səfər görüşünü qolsuz tərk etməyib. “Arsenal” və “Mançester Yunayted”in sabiq hücumçusu 9 matçlıq seriya ilə mütləq rekordçudur. “Mançester Siti”də oynamış argentinalı isə Bouen kimi 7 dəfə fərqlənib.

Qeyd edək ki, Cerrod 2020-ci ildə “Hall Siti”dən “Vest Hem”ə keçib.