PSJ-nin yay transfer planları bəlli olub.

Apasport.az xəbər verir ki, Paris təmsilçisi yeni mövsümdə ən az 3 təcrübəli futbolçu almağı düşünür.

Xüsusilə, hücumçu Kilian Mbappe komandanı tərk edərsə, Liqa 1 təmsilçisi onu layiqli əvəz edəcək forvard almaq niyyətindədir.

Bundan başqa, baş məşqçi Luis Enrike komandasının heyətini təcrübəli yarımmüdafiəçi və mərkəz müdafiəçisi ilə gücləndirmək istəyir. İddialara görə, Paris təmsilçisinin rəhbərliyi bir neçə tanınmış futbolçu ilə danışıqlar aparır.