“Qalatasaray” müdafiə xəttinə yeni futbolçu alır.

Apasport.az xəbər verir ki, İstanbul klubu “Nottingem Forest” forması geyinən Serge Aurieri rənglərinə bağlayır.

İddialara görə, klublar arasında keçirilən danışıqlar müsbət nəticələnib. Razılaşmaya əsasən, “Cim-bom” futbolçunun keçidi qarşılığında məbləğ ödəməyəcək. Fil Dişi Sahillərindən olan 31 yaşlı sağ cinah müdafiəçisi “Bavariya”ya transfer olunan Saşa Boeyi əvəz edəcək.

Qeyd edək ki, bu mövsüm 13 matça çıxan Aurier 2 məhsuldar ötürmə ilə yadda qalıb.