"Qalatasaray" yeni sol cinah müdafiəçisi ilə heyətini gücləndirmək istəyir. 

Apasport.az "Milliyet"ə istinadla xəbər verir ki, "Qalatasaray" "Hannover"də futbol oynayan Derrik Köhnü transfer etmək üzrədir .

İstanbul təmsilçisi almaniyalı üçün "Hannover"ə 400 min avroluq icarə təklifi edib. Digər tərəfdən "sarı-qırmızılı"lar 25 yaşlı futbolçu üçün transfer hüququ olaraq 2 milyon avro təklif edib.

Qeyd edək ki, bu mövsüm Bundesliqa 2-də 20 matça çıxan Köhn 3 qol və 6 məhsuldar ötürmə ilə hesaba töhfə verib.