Uels millisinin, “Tottenhem” və “Real”ın sabiq futbolçusu Qaret Beyl peşəkar qolfçu karyerasına start verir.

Apasport.az saytının məlumatına görə, bunu böyük britaniyalı ulduzun özü açıqlayıb.

Futbolçu karyerasını 2 həftə əvvəl başa vuran Beyl gələn ay ilk ciddi sınağına çıxacaq. O, “AT&T Pebble Beach Pro-Am” turnirində mübarizə aparacaq.

Yarış fevralın 2-5-də keçiriləcək. Yarışda 156 peşəkar və 156 həvəskar qolfçu mübarizə aparacaq. Turnirdə aktyorlar Bill Mürrey, Ceyson Beytman, qolfçular Mett Fitspatrik, Lük Donald, Cordan Smit də iştirak edəcək. Turnirin mükafat fondu 9 milyon dollardır.

Qeyd edək ki, yanvarın 9-da karyerasını bitirdiyini açıqlayan Beyl Çempionlar Liqasının beşqat qalibidir.

• Ronaldo özünü “xəyanətə uğramış” hiss edir – Jezuş yalan danışıb
• Sabiq "Yunayted"li "Portu"da: 36 yaşlı müdafiəçi ilə 1 illik müqavilə
• Batrakov Türkiyə tribunalarına heyran qalıb: “65 min nəfər səs salanda meydanda heç nə eşidilmir”
• Kurtua hakimlikdən danışdı: “Bizə bir cür izah edirlər, bir həftə sonra əksini edirlər”
• Türkiyə millisində iki yeni çağırış – U-21-dən əsas yığmaya