Aziz Yıldırımın dönəmində "Fənərbaxça"nın vitse-prezidenti olmuş Mahmut Uslu "sarı-lacivərdli"lərin "Kayserispor"la 3:3 hesablı heç-heçə etdiyi oyundan sonra Ali Koçu istefaya çağırıb.

Apasport.az xəbər verir ki, Uslu "Kale Arkası" yutub kanalına verdiyi açıqlamada Ali Koç və idarə heyətinin dərhal istefa verməli olduqlarını bildirib: 

"Heç kim "Fənərbaxça" azarkeşlərini bu qədər incidə bilməz. Bir klubu hisslərlə idarə etmək olmaz. Klubun ruhunu məhv ediblər. "Fənərbaxça" rəhbərliyi və prezidenti dərhal istefa verməlidir".   

Qeyd edək ki, "Fənərbaxça" son dəqiqələrdə qələbəni əldən verərək lider "Qalatasaray"la xal fərqini 5-ə çatdırıb. 

• Jurnalistin sualı Mourinyonu özündən çıxardı: "MƏQSƏDİNİZ NƏDİR?"
• Acun İlıcalı: "Ortada günahkar varsa, biz də buna daxilik"
• Sabiq “Fənər”li Premyer Liqa yolunda
• A Seriyası təmsilçisi üçün yeni stadion tikiləcək
• Türkiyə millisinin üzvü “Fənər”i tərk edə bilər