"Liverpul"un hücumçusu Məhəmməd Salah Londonun "Vest Hem" klubu ilə İngiltərə çempionatının son oyununda qol vurub və məhsuldar ötürmə edib.

Apasport.az xəbər verir ki, Premyer Liqanın cari mövsümündə misirli futbolçu 18 qol vurub və 10 məhsuldar ötürmə edib. Salah İngiltərə çempionatı tarixində 5 fərqli mövsümdə 10-dan çox qol və məhsuldar ötürmə edən ikinci oyunçu olub.

Əvvəllər bu nailiyyətə yalnız “Mançester Yunayted”in və “Everton”un sabiq hücumçusu Ueyn Runi nail olub.

Xatırladaq ki, Salah 2017-ci ildən "Liverpul"da çıxış edir.