[b]“Uypeşt” – “Neftçi” matçının hakimləri müəyyənləşdi[/b]

29.06.2018 - 11:40

Avropa Liqasının I təsnifat mərhələsində “Neftçi” ilə “Uypeşt” arasında keçiriləcək cavab matçının hakimləri müəyyənləşib. Apasport.az saytının Yunanıstan mətbuatına istinadən məlumatına görə, UEFA bu ölkədən olan briqadanı Macarıstandakı qarşılaşmaya göndərəcək.

Belə ki, iyulun 19-da baş tutacaq oyunun baş hakimi Anastasios Papapetru olacaq. Ona Vasilius Kampuris və Trifon Petropulos kömək edəcəklər. Görüşün 4-cü hakimi funksiyasını Angelos Evangelos yerinə yetirəcək.

Qeyd edək ki, bu komandalar arasında ilk oyun iyulun 12-də “Dalğa Arena”da keçiriləcək.