“Qarabağ”la oyunda səhv etsək, bizə baha başa gələcək”. Apasport.az xəbər verir ki, bu sözləri “Sent-Etyen” klubunun yarımmüdafiəçisi Faben Lemuen deyib.

Avropa Liqasının qrup mərhələsi çərçivəsində noyabrın 27-də “Qarabağ”ı qəbul edəcək Fransa klubunun futbolçusu matç haqqında danışıb.

O bildirib ki, “Qarabağ”la qarşılaşmada məğlub olsalar, bu, çox pis nəticə sayılacaq: “Bizim çətin qrafikimiz var. “Nant”, “Qarabağ” və “Lion”la oynayacağıq. Hər üçü çətin oyundu. Amma Avroliqa turnirində “Qarabağ”a uduzmamalıyıq. Həm doğma meydanda oynadığımız, həm də növbəti mərhələyə çıxmaq şansımızı yüksəltmək üçün bu komandaya qalib gəlməliyik. Düzdü, çox çətin olacaq. Amma Azərbaycan klubuna uduzsaq, bu bizim üçün çox pis nəticə sayılacaq”.

Qeyd edək ki, “Sent-Etyen” – “Qarabağ” matçı noyabrın 27-də saat 00:05-də Sent-Etyen şəhərindəki “Joffrua Qişar” stadionunda start götürəcək. 

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı