16 yaşadək futbolçulardan ibarət Azərbaycan yığması yoldaşlıq oyunu keçirib. Apasport.az saytının məlumatına görə, İspaniyanın paytaxtı Madriddə təlim-məşq toplanışında olan Təbriz Həsənovun yetirmələri hazırlıq çərçivəsində ilk matçına çıxıb.

Yığmamız "Atletiko" klubunun 1996-1999-cu il təvəllüdlü futbolçularının birləşmiş komandası ilə yoldaşlıq oyunu keçirib. Meydan sahibləri bu görüşdə böyük hesabla qalib gəlib. Belə ki, qarşılaşma 4:1 hesabı ilə İspaniya təmsilçisinin xeyrinə yekunlaşıb.