“Bakı”ya qarşı oyunumuz çətin keçdi. Amma sonda 3 xal qazandığımız üçün sevinirik”. Bu sözləri apasport.az saytına açıqlamasında “Qarabağ”ın bosniyalı qapıçısı İbrahim Şehiç deyib.

Topaz Premyer Liqasının XII turunda “Bakı” üzərində 4:2 hesablı qələbə qazanan ağdamlıların çərçivə qoruyucusu matç haqqında fikirlərini açıqlayıb. Şehiç bildirib ki, qol imkanlarından istifadə edə bilməyiblər: “Oyunda xeyli qol vəziyyətləri yaratdıq. Hesab 2:2 olandan sonra, imkanlarımızdan yararlana bilmirdik. Amma oyunun son dəqiqələrində də olsa, qol vura bildik. Qazanılan hər 3 xal komandanın əhval-ruhiyyəsini yüksəldir və növbəti matça daha yaxşı hazırlaşmağımıza kömək edir. Vacib qələbə idi”.

26 yaşlı qolkiper Avroliqanın qrup mərhələsinin son 2 oyununda ancaq yaxşı nəticə qazanmağı düşünəcəklərini sözlərinə əlavə edib: “Hazırda biz çempionatın növbəti oyunu haqqında düşünməliyik. Avroliqa haqqında çox danışmaq istəmirəm. Qarşıdakı 2 oyunda ancaq yaxşı nəticə qazanmağı düşünəcəyik. Həm “Sent-Etyen”, həm də “İnter”lə oyunda qələbə üçün meydana çıxacağıq”.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı