“Valensiya” “Barselona” ilə xorvatiyalı oyunçu Alen Xaliloviçin keçidi ilə bağlı razılığa gəlib. Apasport.az saytının məlumatına görə, bu barədə “Football Espana” xəbər yayıb.

Ötən mövsümü icarə əsasında “Sportinq”də keçirən futbolçu üçün katalonlara 5 milyon avro ödənəcək. Bununla bərabər Kataloniya klubu 3 il müddətində 19 yaşlı oyunçunu geri almaq haqqını özündə saxlayıb.

Belə ki, əgər “Barselona” 1 il sonra Xaliloviçi geri istəsə, 10 milyon, 2 il keçsə 12, 3 il sonra isə 15 milyon ödəməli olacaq.

Qeyd edək ki, Alen ötən mövsüm “Sportinq”in heyətində 26 matçda meydana çıxıb və 3 dəfə fərqlənməyə imkan tapıb. 

• Günün oyunları bu kanallarda - TV AFİŞA
• Ançelotti Braziliya millisində antirekorda imza atıb
• 19 yaşlı müdafiəçi daha 4 il “Barselona”da - RƏSMİ
• “Barselona” gənc müdafiəçisi ilə bağlı qərar verdi
• “Bolonya” müdafiə xəttini gücləndirdi - RƏSMİ