“Azərbaycana qarşı oynamaq maraqlı olacaq. Norveç millisi AVRO-2016-nın final mərhələsinə vəsiqə qazanmaq istəyirsə, sabah mütləq 3 xal qazanmalıdı”. Apasport.az xəbər verir ki, bu sözləri Norveç millisinin yarımmüdafiəçisi Mats Möller Deli deyib.

Skandinaviyalıların gənc futbolçusu AVRO-2016-nın seçmə mərhələsində millimizə qarşı keçirəcəkləri oyundan danışıb. O bildirib ki, rəqibin qrup mərhələsində uğursuz çıxışı onlar üçün üstünlük sayıla bilər: “Azərbaycan yığması seçmə mərhələyə çox pis başlayıb. 3 oyuna 0 xal. Burdan da belə qənaətə gəlmək olar ki, onların əhval-ruhiyyəsi heç də yaxşı deyil. Amma bizim artıq 6 xalımız var və iddialıyıq. Deməli, üstünlük bizim tərəfdədi. Bundan istifadə edib, Bakıdan 3 xalla dönə bilərik. Bolqarıstanla qarşılaşmada əla oynamışdıq. Həmin oyunumuzu sabah da sərgiləməliyik”.

Qeyd edək ki, “Bakcell Arena”da keçiriləcək Azərbaycan – Norveç matçı saat 21:00-da başlayacaq.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı