İtaliya yığmasının baş məşqçisi Antonio Konte yenidən A seriyasında çalışa bilər. Apasport.az saytının yerli mətbuata istinadən məlumatına görə, “Milan” 47 yaşlı mütəxəssisin xidmətində maraqlıdı.

Konte bu ilin yayında baş tutacaq Avropa çempionatından sonra yığmadan ayrılmağı planlaşdırır. Bu səbəbdən də o, federasiyanın yeni müqavilə təklifini qəbul etməyib. Bundan yararlanmaq istəyən “rossonyerlər”in prezidenti Silvio Berluskoni indidən təcrübəli mütəxəssisin razılığını almağa çalışır. O, Konteyə ilinə 4 milyon avro maaş olmaqla uzunmüddətli müqavilə təklif edib.

Konte ilə danışıqlar müsbət nəticələnməsə, “Milan” rəhbərliyi ikinci namizəd olan “Sassuolo”nun baş məşqçisi Eysebio di Françesko ilə təmasa keçəcək.

• Qavinin dönüş tarixi bəlli olub
• PAOK futbolçularını cərimələyib
• "Mançester Yunayted" Ten Haqı onunla əvəzləyəcək
• "Barselona" "Mançester Yunayted"in hücumçusunu ala bilər
• "Borussiya"da ciddi itki