“Araz-Naxçıvan” klubunun fəaliyyətini dayandırması Topaz Premyer Liqasının turnir cədvəlində ciddi dəyişikliklərə səbəb olacaq. Apasport.az saytının məlumatına görə, Əsasnaməyə uyğun şəkildə onların keçirdiyi oyunların nəticələri ləğv edilsə, komandaların xal hesabında dəyişiklik olacaq.

Əyalət klubu arxada qalan 11 turda 10 matç keçirmişdi ki, bunlardan 1-də qalib gəlib, 1-də heç-heçə etmişdi. Bu isə o deməkdi ki, “Araz-Naxçıvan”a uduzan “Neftçi” heç bir xal itirməyəcək. AZAL isə cəmi 1 xalın itkisinə üzüləcək. Əslində isə hər iki klub buna sevinə bilər.

Yenilənəcək cədvəldə onların rəqiblərinin itkiləri daha böyükdü. “Qəbələ” isə daha ağır zərbə alıb. “Qırmızı-qaralar” iki qələbəsindən məhrum olub. Digər 6 klubun itkisi isə 3 xaldan ibarət olacaq.

Bütün bunların nəticəsində “Neftçi” liderliyi ələ alır. Bakılılar “Qarabağ”ı 2 xal arxada qoymağı bacarıb.

“Qəbələ” isə yerini “Xəzər Lənkəran”a təhvil verib. Amma cənublular belə də 1 matç artıq keçirməklə öndə önə keçəcək.

“Bakı” isə son pilləyə yuvarlanır. Bunda onların “Bakı”nı keçməsi rol oynayıb. Paytaxtın eyniadlı təmsilçisi isə zirzəmiyə yuvarlanıb.

Dəyişikliklər bombardirlər siyahısından da yan ötmür. Vurduğu qolların yarısını “Araz-Naxçıvan”a vuran Rəşad Eyyubov (“Simurq”) 6 topa yer aldığı zirvəni əldən verəcək. Əvəzində burada üçhakimiyyətlilik yaranmalıdı. Mikel Alvaro (“Inter”), Nurlan Novruzov (!Bakı”) və Məhəmməd Qurbanov (“Sumqayıt”) hərəyə 5 qol vurub.

Bir klubun dağılmasından qazanan daha bir komanda isə “Xəzər Lənkəran”dı. Cənublular Azərbaycan kubokunun 1/8 finalındakı rəqibinin olmaması üzündən birbaşa 1/4 finala yüksələcək.

• Acun Ilıcalıdan iddialı sözlər – “Las-Veqası onların ayağına gətirəcəyəm”
• “Liverpul”da nəhəng müqavilə: ”TURKİSH AİRLİNES”
• İlin ən yaxşı futbolçusu adına namizədlər açıqlanıb
• “Trabzonspor”dan Vitor Pereyra həmləsi – Danışıqlar başlayıb
• Türk Hava Yolları “Liverpul”a sponsor oldu - 5 il üçün 300 milyon funt