Ölkəmizi Avroliqada təmsil edəcək “Neftçi” sabah səhər saatlarında Türkiyəyə yola düşəcək. Klubun İnformasiya və İctimaiyyətlə Əlaqələr Departamentinin rəhbəri Gündüz Abbaszadənin apasport.az saytına verdiyi xəbərə görə, komanda sabah saat 08:00-da ölkəni tərk edəcək.

Komandanın Azərbaycandan ayrılmasının səbəbi isə Türkiyənin Bolu şəhərində təlim-məşq toplanışı keçmək istəyidir. Bolu hazırlıqları iyunun 28-dək davam edəcək. “Neftçi”nin burda 15 gün ərzində keçirəcəyi 2 yoxlama oyunundakı rəqiblərin adları da artıq məlumdur. Bunlar Gürcüstanın “Çixura” və Səudiyyə Ərəbistanının “Al-Taavun” klublarıdır.

Qeyd edək ki, iyunun 6-dan Bakıda hazırlıqlara başlayan “Neftçi” iyulun 1-dən Avstriyada toplanış keçəcək.

• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq
• Braziliyalı mövsümü erkən başa vurdu
• “Fənərbaxça” Talişkadan imtina etdi - səbəb
• FİFA-dan La Liqa klublarına qadağa