“Qarabağ” klubunun avrokuboklarda qələbəsiz oyunlar seriyası 5-ə çatıb. Apasport.az saytının məlumatına görə, Avropa Liqasının qrup mərhələsinin II turunda “İnter”ə uduzan Ağdam təmsilçisi bundan əvvəlki 4 qarşılaşmada da qalib gələ bilməmişdi.
Çempionlar Liqasının III təsnifat mərhələsinin cavab matçında Avstriya “Zalsburq”una uduzan (0:2) “Qarabağ” mübarizəni digər yarışda davam etdirməli olmuşdu. Avropa Liqasında pley-offu qələbə qazanmadan keçən təmsilçimiz Hollandiya “Tvente”sini səfər qolu ilə keçmişdi – 0:0, 1:1.
Qrup mərhələsində də qalib gələ bilməyən ağdamlılar Fransa “Sent-Etyen”i ilə Bakıda qolsuz heç-heçə edib, ardınca İtaliyaya yollanmışdı. Sonuncu dəfə iyulun 30-da evdə “Zalsburq”u 2:1 hesabı ilə üstələyən “Qarabağ” Qurbanovun baş məşqçiliyi dövründə qitə miqyaslı turnirlərdə belə uğursuz seriya yaşamamışdı.
Qeyd edək ki, komandanın avrokuboklardakı ən uzun qələbəsiz oyunlar seriyası 1999-2009-cu illərə təsadüf edən 8 matçdan ibarətdi.
Oxşar xəbərlər
Ana səhifə
Bütün xəbərlər
Hesabım