Topaz Premyer Liqasının XXXII turu çərçivəsində “Qarabağ”la qarşılaşacaq “Qəbələ” matçın hazırlıqlarına start verib. Apasport.az-ın klubun rəsmi saytına istinadən məlumatına görə, “Xəzər Lənkəran”la aprelin 25-də keçirilən səfər (1:0) oyununun ertəsi günü Bakıda məşq edib, Qəbələyə qayıdan “qırmızı-qaralar” artıq doğma meydanda çalışmalarını bərpa edib.

Bir gün istirahət edən komandanın hazırlıqlarına fizioterapiya kursu keçən Dodo qatılmayıb. Braziliyalı yarımmüdafiəçi “Qarabağ”la oyunda da komandasına kömək edə bilməyəcək. Roman Qriqorçukun yetirmələri görüşədək məşqlərini Qəbələ şəhər stadionunda keçəcək.
 

Qeyd edək ki, mayın 2-də keçiriləcək “Qəbələ” - “Qarabağ” oyunu saat 19:00-da başlayacaq.

• “Yunayted”dən “Old Trafford”da tarixi uğursuzluq - 1976-cı ildən sonra ilk dəfə
• Aziz Yıldırımdan sərt açıqlama: “Qızımı bu mübahisələrə alət etmə”
• İspaniya De la Fuente ilə davam edir
• İtaliano açıqladı - "Marsel"lə matçda iştirak etməyəcək
• “Fənər” azarkeşlərinə şad xəbər - Asensio zədəsini sağaldıb