Avropa Liqasının I təsnifat mərhələsində “Qəbələ”nin rəqibi olan Tiflis “Dinamo”su Sloveniyadakı təlim-məşq toplanışını başa çatdırıb. Apasport.az saytı xəbər verir ki, toplanışın sonlarında Rumıniya “Petrolul”u ilə nəzərdə tutulan yoxlama matçı baş tutmayıb.

Əvəzində gürcülər toplanış çərçivəsində 3-cü yoxlama oyunlarını yerli komandaya qarşı keçiriblər. Sloveniya çempionatını 5-ci pillədə başa çatdıran “Zavrç”la görüş “Dinamo”nun qələbəsi ilə nəticələnib – 2:0.

Tiflis klubunun qollarına Georgi Kvilitaya və Georgi Papunaşvili imza atıb.

“Zavrç”la oyunla Sloveniya toplanışını başa çatdıran “Dinamo” bu gün Tilfisə qayıdacaq.

Qeyd edək ki, “Dinamo”nun “Qəbələ” ilə ilk matçı iyulun 2-də Gürcüstanda keçiriləcək. 

• Harri Keyndən Bundesliqada tarixi rekord
• “Trabzonspor” - “Qalatasaray” matçının VAR hakimi bəlli oldu
• Günün oyunları bu kanallarda - TV AFİŞA
• “Karyeramı “Barselona”da başa vurmaq istəyirəm”
• “Çelsi” Londonda darmadağın oldu - VİDEO