“Qələbə qazananda əhval-ruhiyyə yaxşı olur. Çalışıb, qalib gəlməliyik. Bunu bacarsaq, rəsmi oyunlarda da davamını gətirərik”. Apasport.az saytının Dubaya ezam olunmuş əməkdaşının məlumatına görə, bu sözləri Azərbaycan milli komandasının üzvü Elvin Yunuszadə deyib.

Millimiz sabah Dubayda Filippin yığması ilə yoldaşlıq görüşü keçirəcək. Bu matçda əsas yığmada debüt etmək imkanı olan “Neftçi”nin müdafiəsi bildirib ki, ilə qələbə ilə başlamaq vacibdir: “Rəqib Filippin də olsa, ruhdan düşmürük. AVRO-2016-nın püşkünə gəlincə, əsas odur ki, özümüzə inanaq. Hər bir komandaya qarşı mübarizə aparacağıq”.