Milli komandamızın AVRO-2016 seçmə mərhələsindəki rəsmi matçları ilə əlaqədar ölkə çempionatında verilən fasilə müddətində “Xəzər Lənkəran” hazırlığa start verib. Apasport.az-ın klubun rəsmi saytına istinadən məlumatına görə, komanda dünəndən başlayaraq Lənkərandakı bazasında məşqlərini davam etdirir.
Gündə iki dəfə olmaqla keçirilən məşqlərdə futbolçular gündüz fiziki, axşam çalışmalarında isə taktiki planda məşqçilər korpusunun verdiyi tapşırıqları yerinə yetirir. Zədəli oyunçulardan Alfred Sanko və Əfran İsmayılov fərdi qaydada məşq prosesinə qoşulsa da, qapıçı Orxan Sadıqlı artıq komanda ilə birgə hazırlıqda iştirak edir.
Qeyd edək ki, hazırda əsas milli komandamızın Almaniyada keçirilən toplanışında “Xəzər Lənkəran”ın 4 futbolçusu- Rahid Əmirquliyev, Rasim Ramaldanov, Rauf Əliyev və ilk dəfə əsas yığmaya çağrılan Ağabala Ramazanov iştirak edir.
Oxşar xəbərlər
Ana səhifə
Bütün xəbərlər