Rusiyanın “Zenit” futbol klubu İngiltərənin “Tottenhem” və “Çelsi” klublarının keçmiş baş məşqçisi Andre Villaş-Boaşla klubdakı iş şərtləri barədə razılıq əldə edib. Apasport.az saytının məlumatına görə, 36 yaşlı portuqaliyalı mütəxəssislə razılaşma Valensiyada əldə olunub.

Mənbənin informasiyasına görə, Villaş-Boaşın “Zenit”in baş məşqçisi təyin edilməsi barədə yaxın vaxtlarda rəsmi açıqlama veriləcək. İlkin məlumatda bildirilir ki, portuqaliyalı ilə 3,5 illik müqavilə imzalanacaq.