Topaz Premyer Liqasının XXV turunda “Kəpəz”i qəbul edən “Qəbələ” 3:0 hesablı qələbə qazanıb. Apasport.az saytının məlumatına görə, bu, komandaların Azərbaycan çempionatları tarixində 20-ci dueli olub.
Doğma azarkeşləri önündə 3 cavabsız qol “Qəbələ”nin “Kəpəz” üzərində 9-cu qələbəsi ilə yadda qalıb. Digər 11 matçın 6-da gəncəlilər 3 xala seviniblərsə, 5 qarşılaşmada bərabərlik qeydə alınıb.
“Qəbələ” top fərqində də rəqibindən uzaqlaşıb. Dünənki qarşılaşmada Cavid Hüseynovun 45-ci dəqiqədə vurduğu sonuncu qol “Qəbələ”nin “Kəpəz”in qapısından keçirdiyi 25-ci top olub.
Diqqətçəkən məqamlardan biri də 3 oyundan sonra, nəhayət ki, tərəflərin duelində ev sahibləri qalibiyyətə, hətta xala sevinib. “Qəbələ” eyni zamanda 2016-cı ilin dekabrından bəri ilk dəfə “Kəpəz”i öz meydanında üstələyib. Sadəcə, bu müddət ərzində dünənki matça qədər komandalar Qəbələdə cəmi 1 dəfə üz-üzə gəlmişdilər ki, ötən ilin sentyabrındakı görüş qonaqların qələbəsi ilə (2:0) nəticələnmişdi.
Son iki səfər qələbəsini də nəzərə alsaq, “Qəbələ” ardıcıl 3-cü matçda da “Kəpəz”i xala həsrət qoyub.
Oxşar xəbərlər
Ana səhifə
Bütün xəbərlər