Azərbaycan millisinin Makedoniya ilə Antalyadakı qarşılaşmasında hesabı açan Riçard Almeyda yığmada ilk qolunu vurub. Apasport.az saytının məlumatına görə, braziliyalı yarımmüdafiəçi millidəki qol hesabını 8-ci matçında açıb.

Belə ki, milliləşən legioner bunadək keçirdiyi 7 görüşdə qol vurmamışdı. Almeyda yığmamızın tarixində qol sevinci yaşayan 57-ci oyunçudu.

Antalyadakı görüşədək 56 futbolçumuz rəqib qapısına yol tapıb. Daha 4 dəfə rəqib oyunçular avtoqol müəllifi olublar.

Almeyda millimizdə qol vuran 3-cü braziliyalıdı. O, “sambaçılar”ın 6-ci qolunun müəllifi olub. Fabio Luis Ramim 4 qolla ən məhsuldar braziliyalımızdısa, ilk belə uğurun müəllifi Andre Ladaqadı.

Qeyd edək ki, hazırda ilk hissəsi davam edən oyunda hesab bərabərdi – 1:1.

• "Fənərbaxça" onun istefasına SƏBƏB OLDU
• Messi 930-a çatdı – 75-ci cərimə zərbəsi qolu - VİDEO
• “Portu” “Benfika”nı belə məğlub etdi - VİDEO
• Mourinyo hakimi hədəfə aldı: "O, Yamalın dostudur"
• Madrid derbisində “Atletiko” qələbə qazandı