Avroliqanın qrup mərhələsinin IV turunda “Qarabağ”ın qonağı olacaq “Dnepr” bu gün səhər Ukraynanı tərk edib. Apasport.az saytının məlumatına görə, baş məşqçi Miron Markeviç Bakıya 21 futbolçu gətirir.

Braziliyalı Mateus zədədən sonra bərpa prosesi keçdiyi üçün yenə “Qarabağ”a qarşı oynaya bilməyəcək. Bundan başqa, Vladimir Polevoy, Aleksandr Miqunov, Leo Matos və Andrey Blizniçenko da Dnepropetrovskda qalmalı olub.

Qapıçılar: Yan Laştuvka, Denis Boyko, Denis Şelixov;

Müdafiəçilər: Aleksandru Vlad, Ondrjey Mazux, Yevgeni Çeberyaçko, İvan Striniç, Duqlas, Valeri Luçkeviç, Artyom Fedetski;

Yarımmüdafiəçilər: Sergey Kravçenko, Caba Kankava, Yevgeni Konoplyanka, Brunu Qama, Mladen Bartuloviç, Yevgeni Şaxov, Ruslan Rotan, Sergey Politılo;

Hücumçular: Nikola Kaliniç, Yevgeni Seleznyov, Roman Zozulya.

Qeyd edək ki, sabah saat 21:00-da baş tutacaq oyundan sonra “Dnepr” Dnepropetrovska qayıtmayacaq. Belə ki, Miron Markeviçin yetirmələri bazar günü keçiriləcək Ukrayna çempionatının “Şaxtyor”la oyunu üçün Lvova üz tutacaq.

• Arda Gülərə UEFA-dan mükafat – Mövsümün ən yaxşısı
• “Milan”ın sabiq futbolçusu butslarını "mismardan asdı"
• Türkiyədə tarixi təyinat – 22 yaşlı qadın baş məşqçi oldu
• Acun Ilıcalıdan iddialı sözlər – “Las-Veqası onların ayağına gətirəcəyəm”
• “Liverpul”da nəhəng müqavilə: ”TURKİSH AİRLİNES”